Herd tiltøk í Danmark

88 fólk í Danmark eru innløgd við korona-smittuni, harav 18 fólk eru á intensivari deild. 

Hendan støðan hevur fingið donsku stjórnina at herða tiltøkini fyri at avmarka smittuvandan.

Tí sleppa ikki fleiri enn 10 fólk at savnast í Danmark, hvørki innandura ella uttandura. Og at kalla alt, sum er opið, verður nú stongt, segði Mette Frederiksen.

Onga heimild í Føroyum

Bárður á Steig Nielsen, løgmaður, sigur, at enn hava føroysku myndugleikarnir onga lógarheimild til at geva slík boð. 

Men løgmaður væntar, at tann heimildin fer at koma ein av næstu døgunum.