– Kirkjan skal hjálpa meira

Sambært biskupi, so hevur fólkakirkjan lært nógv í koronakreppuni. Meðan kirkjudyrnar eru læstar, hevur kirkjan flutt seg út á aðrar pallar. Men kirkjan skal ikki einans standa fyri prædikuni. Hon skal eisini gerast mera virkin at hjálpa fólki heilt ítøkiliga.

Jógvan Fríðriksson, biskupur, var gestur í Degi og Viku í sambandi við, at stóra kirkjuliga páskahátíðin nú stendur fyri durðum. Ein páskahátið, har kirkjudyrnar eru læstar.