Estetiskur fimleikur: Lyra staðfesti sína støðu

Lyra úr Ljósinum vann trygt, tá 2. steypakappingin í estetiskum fimleiki var í Bylgjuni um vikuskiftið.

Lyra vann eisini greitt fyri einum mánaði síðan, tá fyrra steypakappingin var í Havn, og tað kom ikki óvart á nakran, at tær aftur hesa ferð struku avstað við sigrinum. 

 - Vit vóru sjálvandi eisini frammanfyri seinast, og tað er kanska torført hjá hinum at vinna tað innaftur, men vit kundu ikki seta okkum upp afturá og rokna við, at tað kom av sær sjálvum, sigur Eyð Strøm, venjari hjá Lyru.