Føroya móti krabba: Mistu mammu og konu av krabba

Nógvir føroyingar kenna sviðan av krabbameini, tí nærum hvønn dag fær ein føroyingur boð um, at hann ella hon hevur krabbamein. 

27. mars verður landsinnsavningin "Føroyar móti krabba" send í sjónvarpinum. Tað eru Krabbameinsfelagið, Norðurlandahúsið og Kringvarp Føroya, sum skipa fyri landsinnsavningini, sum byrjar klokkan 19:00.

Bogi Næs og tær fimm døturnar, Lea, Sandra, Sarita, Lóa og Vón, eru nøkur teirra, ið vera við í sendingini leygarkvøldið klokkan 19:00.

Bogi og døturnar mistu konu og mammu sína av krabbameini í 2016. Tá mamman andaðist vóru døturnar millum 5 og 14 ára gamlar. Í sendingini greiða tey nærri frá, hvussu tilveran broyttist, tá mamman fór, og hvussu ein kann læra at liva víðari, tá ein missur.

Sendingin Føroyar móti krabba verður send í sjónvarpinum leygarkvøldið 27. mars klokkan 19:00.