Færri fátækir føroyingar

Talið av fólki í fátækrarváða fall munandi frá 2018 til 2019. 

Í 2018 livdu 9.9 prosent av føroyingum undir fátækramarkinum. Eitt á seinni var hetta talið minkað niður í 7.7 prosent. 

Tað vísir nýggjasta inntøkuuppgerðin hjá Hagstovuni. Grundarlagið undir hagtølunum er javnvirðisinntøkan, har tøka inntøkan verður sambanborið við samansetingina av húsarhaldinum. 

Hagstovan hevur tøl yvir fátakaváðan frá 2009 og fram til 2019. Og lutfallið av fólki í fátækravága hevur ongantíð verið minni enn tað var í 2019. 

Fátækaváðin sigur, hvussu stórur partur av fólkunum í samfelagnum hava javnvirðisinntøku, sum er lægri enn 60 % av miðjavnvirðisinntøkuni í samfelagnum.

Tað eru serliga tey, sum eru 67 og eldri, sum gera, at talið av fólki í fátækraváða er minkað. 

Pensjónistarnir hava øll árini ligið beint undir fátækramarkinum, men í nýggjastu uppgerðini eru 9,4 prosent færri pensjónistar í fátækraváða. Tað eru serliga pensjónistarnir, har tey eru fleiri í húsinum, sum eru farnir uppum fátækramarkið. Men meira enn hevlvtin av teimum, sum eru 67 ár og eldri eru framvegis niðanfyri fátækramarkinum.