Løgmaður vónar at finna eina loysn

Tað, sum ikki bar til í morgun, ber nú kanska til kortini.

Í løgtinginum var meiriluti fyri andstøðuuppskotinum at javnseta sammøður í barsilsskipanini.

Annika Olsen úr Fólkaflokkinum og Johan Dahl úr Sambandsflokkinu atkvøddu saman við andstøðuni, so 17 atkvøður vóru fyri, og 16 ímóti.

Miðflokkurin hevur fyrr boðað frá, at verður uppskotið endaliga samtykt, so fer flokkurin úr samgonguni.

Bárður á Steig Nielsen, løgmaður, sigur í kvøld, at lítla samgonga - tað eru floksformenn og tingbólkaformenn - høvdu ein góðan fund í kvøld.

- Vit umrøddu nøkur viðurskifti, hvussu vit kunnu loysa hetta málið, so alt løgtingið kann taka undir við at geva øllum børnum somu rættindini, sama hvussu forsyrgjarar skipa síni viðurskifti, sigur hann.