Hvøssu kantarnir slípaðir burtur

24.01.2022 - 10:55
ÍtrótturFimleikur
Hvøssu kantarnir slípaðir burtur
Estetiskur fimleikur er vakur, men krevur nógvar venjingartímar og grótharða disiplin. Tað vita kvinnunglingarnir hjá Støkk og HF, sum fyrireika seg til fyrru steypakappingina

Tað sær vakurt út, tá fimleikararnir flyta seg í nærum fullkomnum samspæli á pallinum, men tað krevur nógva venjing og grótharða disiplin.

Tað vita kvinnunglingarnir hjá Støkk og Havnar Fimleikafelag alt um. Liðini bæði leggja í løtuni síðstu hond á fyrireikingarnar til fyrru steypakappingina í estetiskum fimleiki, sum verður næsta vikuskifti.

 - Vit eru so tætt uppundir kapping, so tað er serliga serian, sum verður væl vand nú, sigur Hansa Tróndargjógv, venjari hjá Rósuni, sum liðið úr Støkk kallast. 

Eisini í Bjallu úr Havnar Fimleikafelag verður nógv orka løgd í síðstu fyrireikingarnar, og tað er krevjandi fyri íðkararnar, sum eru nýggir í kvinnuunglingadeildini.

 - Alt skal flóta nú. Tann fyrsta rørslan, sum byrjar, endar ikki fyrrenn sangurin er liðugur, sigur Birita Ingadóttir, venjari í Havnar Fimleikafelag.

 - Tú skalt hava góða konditión, tú skal vera sterkur og tú skalt vera kimiligur fyri at kunna klára alt hetta, men tað er sjálvandi nakað, sum tú hevur fyrireika frá barnsbeini, leggur hon afturat.

Korona hevur órógvað

Liðini fóru undir venjingina í heyst, tá tey fingu seriurnar, men fyrireikingarnar hava ikki gingið eftir vild. Korona hevur órógvað illa síðstu mánaðirnar, og fimleikarar og venjarar hjá báðum liðum hava verið raktir av sjúku og sóttarhaldi.

 - Vit vóru við í eini jólakapping í desember, og hava verið hart raktar síðan ta kappingina. Vit hava verið illa mannaðar, men hetta eru fimleikarar, sum veruliga brenna fyri hesum, so vit hava funnið loysnir. Onkuntíð hava vit vant online á zoom, greiðir Hansa Tróndargjógv frá.

Tær á Bjallu hava eisini vant eftir førimuni, og nú skulu liðini á gólvið at kappast, og venjarin hjá Havnar Fimleikafelag vónar, at tað verður frammanfyri eini áskoðarafjøld.

 - Hondbóltur og fótbóltur hevur havt áskoðarar næstan alla tíð, so eg vóni, at vit eisini sleppa at fáa áskoðarar og ta eyka stimbranina, tá vit framføra, sigur Birita Ingadóttir.

 
Er kopiera

Tak niður

Nýggjastu sendingar í ÚV
Hósdag 30. juni
RagnarRokk: Lips um Impact Is Imminent
139913
Hósdag 30. juni
Summarmorgun 300622
141667
Hósdag 30. juni
Morgunlestur hósdagur 30.juni 2022
141506
Mikudag 29. juni
Summarmorgun 29. juni 2022
141628
Nýggjastu sendingar í SV
Mánadag 27. juni
3-2
141573
Sunnudag 26. juni
Andakt við Róland í Skorini
141518
Leygardag 25. juni
Video: 5mf kvinnur, jóansøka 2022
141491
Leygardag 25. juni
Video: 10mf, jóansøka 2022
141489