Hoyring um integratión

Lógaruppskotið til eina føroyska integratiónslóg hevur ligið til almenna hoyring síðani á nýggjárinum.

Endamálið við lógini er, sum tað stendur í viðmerkingunum, at fremja integratión í Føroyum. 

Tilflytarar skulu fáa góðan møguleika at trívast, luttaka á jøvnum føti við aðrar borgarar - og geva sítt íkast til samfelagið.

Sambært lógaruppskotinum skulu tilflytarar skilja, at málkunnleiki og innlit í føroyska samfelagið er eitt krav fyri at fáa varandi uppihaldsloyvi í Føroyum.

Eisini skal gerast ein integratiónsætlan - ein persónlig ætlan við ítøkiligum málum fyri einstaka tilflytaran - sum tilflytarin hevur skyldu til at virka eftir.

Bjørk Berg Wiggins, stigtakari, er gestur í sjónvarpsstovuni.