Arbeiðsfólkini hittust í tunlinum

Góður hýrur, tá seinasta skotið var latið av í Sandoyartunlinum í gjár.

Arbeiðsfólkini, sum hava borað og sprongt teir umleið 11 kilometrarnar í Sandoyartunlinum, tóku í hondina á hvørjum øðrum, tá seinasta skotið var latið av í gjár.

Johnsigurd Johannesen

04.02.2022 - 13:35

Seinnapartin í gjár var seinasta skotið í Sandoyartunlinum latið av, og í hesum sambandi nýttu øll arbeiðsfólkini hjá NCC, sum ger arbeiðið, høvi at hittast.

Tá grótið frá seinasta skotinum varð ruddað burtur, hittust arbeiðsfólkini á miðjuni í tunlinum og tóku í hondina á hvørjum øðrum.

Sandoyartunnilin er 10,8 kilometrar langur. Hóast onkrir trupulleikar hava verið, hevur arbeiðið gingið væl, og arbeiðið er fimm mánaðir framman fyri tíðarætlanina.

Sandoyartunnilin skal verða liðugur í desember næsta ár.

Sí myndirnar, sum Jógvan Eli Dam tók til Dag og Viku í gjárkvøldið.