- Tíðindi, mentan og ítróttur
Foreldramyndugleiki - eisini fyri sammøður
Foreldramyndugleiki - eisini fyri sammøður
Foreldramyndugleikalógin er nú loksins á veg í løgtingið. Lógaruppskotið verður broytt, soleiðis at tað eisini fevnir um sammøður, sigur Sólvit Nolsø, landsstýrismaður
Sólvit Nolsø er landsstýrismaður í almannamálum.
09.02.2022 - 09:28
Heilt afturi í fjør summar fór uppskot til foreldramyndugleikalóg til hoyringar. Í stuttum skal tað tryggja foreldrum felags foreldramyndugleika at barninum, um tey hava búð saman í 10 mánaðir.
Lógaruppskotið er tó orðað, áðrenn lógin um sammøður varð samtykt, stutt fyri jól.
- Lógaruppskotið verður broytt, soleiðis at tað eisini fevnir um sammøður, sigur Sólvit Nolsø, landsstýrismaður í almannamálum.
Talan er um tekniskar broytingar, og tí verður lógaruppskotið ikki sent útaftur til hoyringar, men borið í løgtingið fyrsta dagin, soleiðis at tað kann avgreiðast, áðrenn tingið fer í summarfrí, sigur Sólvit Nolsø.
Er kopiera
Nýggjastu sendingar í ÚV
Nýggjastu sendingar í SV
