Andstøðan leggur trýst á samgonguna

Lógaruppskotið, sum skal geva landsstýrinum heimild at seta tiltøk í verk móti Russlandi, er nú borið í løgtingið. Men støðan hjá landsstýrinum er enn hin sama:

-Føroyar skulu ikki ganga á odda við handilstiltøkum, sigur Jenis av Rana, landsstýrismaður í uttanríkismálum.

Í Javnaðarflokkinum og Tjóveldi halda tey nakað annað, Føroyar eiga at taka stig til at steðga samhandlinum Russland. Í Framsókn hella tey sama veg.

Nýggja heimildarlógin verður væntandi løgd fyri løgtingið týsdagin í næstu viku. Landsstýrismaðurin lovar at taka løgting og uttanlandsnevndina við uppá ráð, um hann fær hesa heimildina.