Neyðugt at bóka fyri at fáa bil við

Frakt-/ og avloysaraskipið fyri Smyril, Herjólf III, liggur á Skála, har hann er til 30 ára klassing. Ein rampa skal eisini gerast á hekkuni, soleiðis at bilar og farmur kunnu koyra umborð og í land.

Ymiskt annað verður eisini gjørt. 

Umleið hálvan juli fer Herjólfur í farmasigling um Suðuroyarfjørð, og frá hálvum august til fyrstu vikuna í oktober skal Herjólfur III røkja Suðuroyarsiglinginia, meðan Smyril er í dokk.

Tað fer at taka tveri tímar og trý korter at sigla um Suðuroyarfjørð.

Herjólf III er bara helvtina so langur sum Smyril, tvs. at hann er 70,5 metrar. Hann fer at taka 530 ella 450 ferðafólk, alt í mun til alduhæddina. Virkandi stjórin væntar tó ikki, at tað verður ofta, at ferðafólk hetta tíðarskeiðið, tá ið Smyril er í dokk, fara at standa eftir, tí at ikki verður pláss umborð.

Smyril tekur 200 persónbilar, meðan Herjólfur bara tekur 67. Tí verður tað her, at fløskuhálsurin verður.