Einki frítíðartilboð til børn við serligum tørvi

Børn við serligum tørvi verða slept uppá fjall, tá tey eru liðug við 2. flokk. Frítíðarskúlatilboðið til børn í 1. & 2.flokki er kommunalt - men tá børnini koma í 3. flokk, gerst frítíðartilboðið til børn við serligum tørvi ein uppgáva fyri Almannaverkið. 

Trupulleikin er bara tann, at Almannaverkið hevur einki frítíðartilboð til tey børn við serligum tørvi, sum koma úr kommunala tilboðnum.

Ritha Holm í Lágabø, mamma níggju ára gamla Rúnar, ið hevur ADHD og autismu, hevur einki frítíðartilboð fingið til sonin eftir summarfrítíðina. Hon noyðist tí at biðja um farloyvi frá starvinum, fyri at ansa soninum heima.

Edvard Heen, stjóri í Almannaverkinum, var gestur í sjónvarpsstovuni.