Hallur Hansson: - Eg var í knúsi

22.09.2022 - 18:12
ÍtrótturFótbóltur
Hallur Hansson: - Eg var í knúsi
Fótbóltslívið hjá liðskiparanum á føroyska landsliðnum, Halli Hansson, varð kollvelt seint í gjárkvøldið, tá landsliðslæknin, Elmar Ósá, bankaði á kamarsdyrnar á hotellinum

Eitt ár uttan fótbólt.

Tað vóru boðini, sum Hallur Hansson fekk frá landsliðslæknanum, Elmari Ósá, seint í gjárkvøldið.

 - Eg síggi bara, hvussu seriøsur hann er í andlitinum. Vit eru vanliga tvætlutir og ganga og prika hvønn annan, men har var onki - hann stardi bara at mær, sigur Hallur Hansson.

 - Tá hugsaði eg, at hetta er ikki gott. Hann sigur so sjálvandi orðini, og eg má erliga siga, at eg var í knúsi.

Skaddur í dysti um vikuskiftið

Tá kósin var sett til Litava saman við liðfeløgunum á føroyska landsliðnum sunnukvøldið, visti Hallur Hansson væl, at hann var skaddur.

 - Eg verði fangaður í eini støðu, har eg ikki eri í javnvág, og fái so ein størri stoyt á knæið, greiðir hann frá.

Hetta hendi í dysti í íslendsku kappingini um vikuskiftið, og í fyrstu syftu varð sagt, at Hallur Hansson var ivasamur til dystin ímóti Litava, men helst kundi spæla sunnudagin ímóti Turkalandi.

Richard Dahan, fysioterapeuturin á landsliðnum, vildi kortini ikki lova Halli Hansson á vøllin, áðrenn skanning varð gjørd.

 - Vit fáa so heldigvís eina skanning á staðnum, og tað vísti seg so, at tað vóru øgiliga ring tíðindi, sigur Hallur Hansson.

Sí alla samrøðuna omanfyri

 
Er kopiera

Tak niður

Nýggjastu sendingar í ÚV
Sunnudag 2. oktober
Bolero: Mozart
145641
Sunnudag 2. oktober
Mono - Dávidssálmar (4:5)
145638
Sunnudag 2. oktober
Møti: Frá mansstevnu í Zarepta
145334
Leygardag 1. oktober
Brunsj við Pól Sundskarð
145636
Leygardag 1. oktober
Plátupanelið #001: 1982
145632
Nýggjastu sendingar í SV
Leygardag 1. oktober
Innsavningartiltak hjá Bláa Krossi
145640
Mánadag 26. september
3-2
145358
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026