Putin: Ukrainskir landspartar eru nú russiskir

Stórt hátíðarhald í Kreml í dag, nú fýra landspartar, har eysturi í Ukraina, alment verða lagdir inn undir Russiska samveldið:

Landspartarnir Luhansk, Donetsk, Zaporizjzja og Kherson, eru partvíst undir russiskum ræði.

Fyri viku síðani byrjaði ein sonevnd fólkaatkvøða í øllum landspørtunum.

Hon endaði týsdagin og stórur meiriluti var í øllum landspørtunum at leggja saman við Russlandi.

ST góðkennir ikki fólkaatkvøðuna

ST, og tey flestu londini í vesturheiminum góðkenna ikki fólkaatkvøðurnar og siga tær vera í stríð við fólkarættin:

Stutt eftir at Putin legði teir fýra ukrainsku landspartarnar inn undir Russland, boðaði ukrainski forsetin, Volodymyr Zelenskyj frá, at Ukraina í dag hevur biðið um at gerast limur í NATO.

Ukrainski forsetin gjørdi eisini greitt, at landspartarnir verða tiknir aftur.