Valið ávirkar gerandisdagin á eftirskúla

Tað er ymiskt, sum næmingarnir vita um politikk á eftirskúlanum Rásini í Saltangará.

Á skúlanum nýta tey hattar í undirvísingini. Tann reyði hatturin merkir, at tað eru onnur, ið taka avgerðir, tann guli, at fólk í felag taka avgerðir, meðan tann grøni merkir, at tá kann ein sjálv/ur taka avgerð.

Nakrir av næmingunum fara á val, men teir hava ikki allir gjørt av enn, hvar krossurin skal setast.

- Fyri skúlan er tað týdningarmikið at læra næmingarnar um samfelagsviðurskifti, millum annað um val, sigur Beinta Persdóttir Joensen, leiðari á skúlanum.

Skúlin ger nógv burtur úr valdegnum og koyrir næmingar á valstaðið, um teir ynskja at fara á val.