Innkomuveg við tunli fyri 300 mió. kr.

Um tvey ár kemur nýggi innkomuvegurin til Havnina.

Tvær fyritøkur hava bjóðað upp á uppgávuna, tær eru Articon og J&K Petersen, og Tórshavnar kommuna fer nú at viðgera innkomnu tilboðini. 

Á leið 300 milliónir krónur fer nýggi innkomuvegurin at kosta. 

Fríður P. Dalsgarð

Av Hvítanesvegnum til Marknagil

Nýggi innkomuvegurin til Havnina fer væntandi at byrja við rundkoyringina á Hvítanesvegnum, og koyrandi verður líka inn á Marknagilsvegin í Havn. 

Vegurin skal lætta um nógvu ferðsluna í høvuðsstaðnum, serliga um morgunin.

Alt vegastrekkið verður seks kilometrar langt, meðan Húsareynistunnilin verður góðar 2.300 metrar til longdar. 

Tá avtalan um Húsareynistunnilin bleiv gjørd, játtaði Fíggjarmálaráðið seg til at gjalda upp til 110 milliónir av samlaða kostnaðinum. 

Innkomuvegur, Tórshavn, Hvítanes