F-gass skulu bannast

Tað skal ikki vera loyvi at dálka við f-gassi í Føroyum longur. F-gass eru atvoldin til 5 til10 prosent av útlátinum av vakstrarhúsgassi í Føroyum, og í 2040 skal hetta talið vera 0. Tað sigur Ingilín D. Strøm, landsstýriskvinna við umhøvrvismálum. Hon hevur nú sent eitt uppskot til kunngerð til hoyringar. Kunngerðin er galdandi fyri ávís sterk vakstrarhúsgass, sokallað f-gass, sum rein evni og blandingar, og fyri skipanir, ið innihalda f-gass, t.d. HFC-507, HFC-404 og HFC-134. Hoyringarfreistin er 18. februar 2023.