Runavíkar kommuna keypir landgongdir

Runavíkar kommuna keypir landgongdir
Runavíkar kommuna hevur bílagt landgongdir við trygdarneti undir. Tað verður gjørt, eftir at spurnartekin er sett við trygdina í føroyskum havnum
09.02.2023 - 19:32

Seinnu árini eru fleiri menn druknaðir, tí teir eru dotnir á sjógv, tá teir hava ætlað sær umborð ella í land av skipi, sum liggur í havn. Hetta hevur sett spurnartekin við trygdina á landgongdunum til skipini. Eitt nú at hava trygdarnet undir, um onkur skuldi verið áhalsin og dottið av landgongdini.

Hóast tað altíð er skiparin, sum hevur evstu ábyrgdina á økinum, tók borgarstjórin í Runavíkar kommunu, Tórbjørn Jacobsen undir við, at kommunurnar kunnu ger sítt til at betra um trygdina í havnunum. Kommunan hevur tí bílagt landgongir við trygdarneti undir, sum kunnu brúkast, tá skipini ikki hava egnaðar landgongir umborð. 

Borgarstjórin í Runavík vísir á, at tey skipini, sum javnan koma til bryggju í kommununi, hava tryggar landgongdir umborð, sum tey brúka, tá tey leggja at.

 

Vit hava spurt í nøkrum av hinum havnunum, hvussu tær viðgera hesa avbjóðingina. Kári Johansen, formaður í Havnanevndini í Tórshavnar kommunu sigur, at hetta málið verður tikið upp á fundi í komandi viku, hvørt kommunan skal keypa landgongdir ella ikki.

Í Klaksvík umrøða tey eisini málið, men har er ongan støða enn tikin til tað. Og sama er galdandi á Tvøroyri. Fuglafjarðar havn hevur í nógv ár havt eina landgongd til taks til tey skipini, sum hava tørv á tí, sigur havnastjórin har, Rólant Højsted. 


 

 
Er kopiera
Nýggjastu sendingar í ÚV
Leygardag 20. apríl
Upp á tá - 190424
173986
Leygardag 20. apríl
Vikan 20.apríl 2024
173982
Leygardag 20. apríl
Morgunlestur leygardagur 20. apríl 2024
173397
Fríggjadag 19. apríl
Vikuskiftið 19 apríl 2024
173966
Fríggjadag 19. apríl
Breddin: Ov nógv børn verða send av landinum
173951
Nýggjastu sendingar í SV
Fríggjadag 19. apríl
Veðrið
173964
Fríggjadag 19. apríl
Dagur og vika - teknmálstulkað
173933
Hósdag 18. apríl
Mett fyri minni (3:3)
173887