Savna søguna um grønlandsútróður

Eitt bátasavn í Miðvági skal fortelja søguna um grønlandsútróðurin. Ein áhugabólkur er nú komin so mikið áleiðis við ætlanunum, at klárt er at søkja pengar til bygningin. Savnið fer at kosta einar 18 milliónir krónur, og skal hýsa bæði bátum og reiðskapi, sum vóru í brúk undir grønlandsútróðrinum. Og tað er ein søga, sum hevur serligt tilknýti til Vágoynna.