Øll eru vælkomin í Húsahaga

Tað ber væl til hjá bóndum at vinna pening úr ferðavinnuni, hóast gjaldsportur verða forboðin og eitt náttúrugjald kemur í staðin. Tað snýr seg bara um at veita tænastur, heldur Tummas Rubeksen, bóndi í Húsagarði í Havn, sum eisini vinnur pening úr ferðavinnuni.

Í Varpinum í Klaksvík skipaðu Bóndafelagið, Óðalsfelagið og fleiri ferðavinnufeløg fyri fundi í kvøld, har tey umrøddu uppskoti um "Burðardygga ferðavinnu". Har gekk kjakið lívliga, og tey flestu eru ímóti uppskotinum. Pressan var alt annað enn vælkomin, men tó vildi Bjørn Kalsøe, bóndi á Syrðadali, fegin siga sína hugsan um lógaruppskotið.