Upp á hvønn fjallatind uttan avmarkingar

Soleiðis sigur Rúna Hjelm, forkvinna í Hagafelagnum.

Eitt av tí, sum Hagafelagið fegnast um, er, at gjaldsportur nú fara í søguna.

Hon sigur, at tað verður trupult at fáa eina lóg, sum øll kunnu taka undir við, men hon ásannar, at Hagafelagið hevur fingið nógv av teirra ynskjum við.

Rúna Hjelm sigur, at tað skal orðast greiðari í lógini, at náttúrufriðingarlógin skal takast við, tá ið sagt verður, at náttúran skal verjast.

Hon vil eisini hava onkra tillaging afturat, tá ið kommunur saman við møguligari staðbundnari nevnd og ognarum og festarum skulu skipa staðbundnu ferðavinnuna. 

Landsstýrismaðurin kring landið við uppskotinum

Høgni Hoydal, landsstýrismaður, fer nú á vitjan kring landið við uppskotinum.

Átta fundir eru lagdir til rættis.

Byrjað verður í kvøld á Giljanesi, og hildið verður á til mikudagin í næstu viku, tá ið fundur verður í Klaksvík.