Fíggjarstøðan í KVF ein forðing fyri EBU-limaskapi

Aftur í ár tekur ein føroyingur lut í danska Melodi Grand Prix.

Janus Wiberg skal í annaðkvøld royna seg við sanginum “I Need Your Love”.

Í fjør vann føroyski Reiley danska Melodi Grand Prix og umboðaði Danmark á Eurovision í Liverpool. Reiley er fyrsti føroyingur, ið hevur megnað at sungið seg til Eurovision-finalurnar. 

Sirið Stenberg, Eurovision 2023, Liverpool

Hvat bleiv av EBI-limaskapinum?

Nógvir føroyingar vóru við í Liverpool, millum annað Sirið Stenberg, landsstýriskvinna.

Tá ætlaðu bæði Sirið Stenberg, landsstýriskvinna í mentamálum, og Ivan Niclasen, kringvarpstjóri, at føroyingar skuldu fáa limaskap í EBU, og á tann hátt umboða Føroyar og ikki Danmark í Eurovision.

EBU skipar millum annað fyri Eurovision og er eitt samstarv millum public service støðir. At gerast limur í EBU kostar 1,5 milliónir krónur, umfram eitt limagjald á hálva millión krónur árliga.

Ivan Niclasen, Eurovision 2023, Liverpool

Steðgað upp

Men hesar ætlanirnar eru tó fyribils steðgaðar upp. 

Sirið Stenberg og Ivan Niclasen siga, at tað er tann fíggjarliga støðan, ið ger, at málið er steðgað upp

Málið er tó ikki slept.