Fíggjarliga regluverkið í aðru røð

Eitt fíggjarpolitiskt regluverk var enn einaferð ein av týðandi táttunum í Várfrágreiðingini, sum Fróði Magnussen, formaður í Búskaparráðnum, legði fram, tá ráðið hevði tíðindafund í Varpinum í Klaksvík í dag. 

Tað er ikki fyrstu ferð, tí Búskaparráðið hevur fleiri ferðir seinastu árini víst á týdningin av hesum. 

Men sjálvt um eitt fíggjarpolitiskt regluverk er eitt av teimum málum, sum samgongan hevur nevnt í samgonguskjalinum, so er tað ikki millum tey málini, sum samgongan arbeiðir við í løtuni.