Estetiskur fimleikur: Lyra sannførandi steypasigur

Eingin slingur var í valsinum hjá Lyru. 

Kvinnurnar úr Ljósinum vunnu sannførandi á Huldu úr Havnar Fimleikafelag í seinnu steypakappingini um vikuskiftið. 

Lyra fekk 22.75 stig í Bylgjuni í Runavík og 45,6 stig samanlag, meðan Hulda fekk 21,77 á degnum og tilsamans 44,2 stig.

 - Hetta er ein ordiliga góð kensla. Vit eru ordiliga glaðar, segði Kristin Thomsen, sum er ein av fimleikarunum á liðnum.

Í næstum fara bæði Lyra og Hulda til stóra World Cup-kapping í Finnlandi, har tær skulu millum annað skulu kappast ímóti liðum úr Fraklandi, Danmark og Finnlandi.

 - Vit vóna sjálvandi at standa okkum væl í kappingini, síggja framgongd og síggja, hvar vit liggja í mun til hini liðini, segði Rósa Eysturskarð, ein onnur av íðkarunum hjá Lyru.

 - Vit vilja sjálvandi øgiliga fegnar vinna á teimum donsku liðunum, tað er eitt stórt mál, greiddi Kristin Thomsen frá.

Tær dylja kortini ikki, at tær fegnar vilja vinna á Huldu eina ferð afturat.