Útbúgving ávirkar livialdurin

Í Danmark og Noregi vísa hagtøl, at fólk við høgari inntøku liva í miðal longri enn tey við lágari inntøku. Í Føroyum er ikki neyðturviliga inntøka, men serliga útbúgving ella manglandi útbúgving, sum hevur ávirkan á, hvussu leingi ella stutt fólk liva í miðal.  

At góð heilsustøða hongur saman við hægri miðallivialdur er ikki torført at skilja, men á hvønn hátt er heilsustøðan tengd at, hvørji lívsstøðu eitt menniskja er í.

Hagtøl bæði í Danmark og Noregi vísa, at fólk við hægri inntøku liva í miðal longri, enn tey við lágari inntøku.

Í Føroyum er støðan ikki so einføld. Her vísir gransking eina meira samansetta mynd, tí her er tað meiri útbúgvingarstøðið hjá tí einstaka, sum hevur ávirkan á miðal livialdurin.

Hóast rættiliga stórur munur kann vera millum tær hægstu og tær lægstu inntøkurnar í Føroyum, so hava vit sum heild eitt rættiliga javnt samfelag í mun til flestu onnur samfeløg, heldur Magni Mohr, professari í arbeiðs og ítróttarfysiologi á Setrinum.