Skúlabørn í Klaksvík: Mett og vælsett

Í skúlanum á Skúlatrøð í Klaksvík er heilsugóður matur á tímatalvuni hvønn dag. Orsøkin er matarskipanin, sum tey nú hava havt í eitt ár.

Hetta er ein skipan, sum ger mun, halda bæði næmingar og lærarar.

Fyrimynd fyri aðrar skúlar

Ein matarskipan er eitt gott hugskot, um vit vilja geva børnum góðar vanar.

Tað sigur Magni Mohr, professari í ítrotti og rørslu, sum heldur, at allir skúlar eiga at hava eina matarskipan, sum tryggjar, at øll børn fáa heilsugóðan mat hvønn dag.