Eru vælnøgd á Eiði

Fólk eru nøgd við flestu viðurskifti í Eiðis kommunu, sum stendur seg væl í kommunukanningini. Serliga eru tað tilboð til børn og ung, eldraøkið og umdømi hjá kommununi, sum liggja ovarliga - og hetta er ein mynd, sum fólk á Eiði kenna aftur. 

Tey fólkini á Eiði, sum Kringvarpið hevur tosað við, høvdu væntað úrslitini. "Her er alt, sum okkum tørvar",  søgdu fleiri teirra. 

Sambært kanningini, so er tað eisini ein samansjóðað kommuna, og tað kenna tey somuleiðis aftur á Eiði. "Vit kennast kanska øll so væl, og samskifta eisini nógv við kommununa og siga okkara meining", sigur Markus Jensen. 

120 fólk í Eiðis kommunu svaraðu kanningini.