Føroyski sendimaðurin í Ísrael: "Tað er forferdiligt"

Føroyski sendimaðurin í Ísrael: "Tað er forferdiligt"
Iran hevur í dag og kvøld sent okkurt um 200 rakettir móti Ísrael. Tær flestu eru skotnar niður av ísraelsku rakettverjuni, men støðan er spent, ásannar føroyski sendimaðurin
01.10.2024 - 21:31

Petur Petersen, føroyskur sendimaður í Ísrael, viðgongur, at tað kennist ófrættakent at uppihalda seg í Tel Aviv í kvøld, nú iransku rakettirnar hava flogið um oyruni á teimum. 

"Tað er forferdiligt," ásannar Petur Petersen. "Tað er eitt øgiligt buldur, tá rakettirnar bresta uppi í luftini. Hurðar ristast, og bilalarmar fara ígongd."

Petur Petersen hevur í dag søkt sær skjól í bumbuskýli í trý korter fyri at sleppa undan iransku rakettunum. Hóast støðan er hættislig, so kennir føroyski sendimaðurin seg tryggan. 

"Rakettverjan hjá Ísrael hevur víst seg at virka væl, og so hava vit øll eina app, ið sigur frá, tá vit skulu søkja okkum skjól í bumbuskýlinum, og nær tað er trygt at fara út aftur."

 
Er kopiera
Nýggjastu sendingar í ÚV
Nýggjastu sendingar í SV
Sunnudag 22. juni
3-2
193608
Sunnudag 22. juni
Jóansøka: Dreingir 17-18 ár
193607
Sunnudag 22. juni
Jóansøka: 8 mf
193605
Sunnudag 22. juni
Jóansøka: 5mf Kvinnur
193606
Sunnudag 22. juni
Jóanssøka: 10 mf
193604