Politikarin flytur seg við veljaranum

Av teimum 556, sum stilla upp til kommunuvalið hesaferð, eru 337 menn og 219 kvinnur. Tað merkir, at 39 prosent av teimum uppstillaðu eru kvinnur, og harvið eru vit øgiliga nær við prosentbýtið 60-40, sum ofta verður sagt skal vera minstamarkið fyri at kunna tosa um javnstøðu.

Niels Uni Dam, formaður í Demokratia, fegnast um, at prosenttølini síggja betri út enn til kommunuvalið fyri fýra árum síðan, tá býtið var 66 prosent menn og 34 prosent kvinnur. Men hann kundi hugsað sær, at tølini vóru nærri 55-45 ella enntá 50-50.