Súna: Tað var so skeg

Súna: Tað var so skeg
Hýrurin í landsliðsleguni í Basel er í topp, og nú vilja spælararnir njóta dystin ímóti Danmark við góðum hondbólti og einum smíli. - Vit kunnu arga, heldur Súna K. Hansen
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 
02.12.2024 - 17:21

Hýrurin í føroyska hópinum er sera góður eftir javnleikin ímóti Kroatia í gjár. 

Tað staðfestir Súna Krossteig Hansen.

 - Vit hava tosað ræðuliga nógv um dystin í gjár. Tað var øgiliga stuttligt at spæla. Tað var stórt at uppliva, og kenslan er góð í dag, og tað var hon eisini í gjár. Vit eru bara øgiligi glaðar, sigur bakspælarin úr Skanderborg.

Føroysku kvinnurnar fingu stórfingna móttøku, tá tær møttu upp á fjepparatiltakið í Altes Kraftwerk á Lehenmattstrasse 353 í gjárkvøldið.

 - Tað var stórt. Tað var stuttligt at uppliva góða hýrin og hvussu fitt og errin øll eru, sum eru komin allan hendan vegin. Øll sungu so væl við, og Rúni Djurhuus var fantastiskur á DJ-pultinum og spældi sigursferð. Tað var so skeg, sigur Súna Krossteig Hansen.

 

Stór uppgáva bíðar

Venjingin hjá Føroyum, sum skuldi vera í dag, var avlýst; helst tí spælararnir høvdu størri tørv á hvíld enn hondbólti. Í morgin bíðar Danmark.

 - Vit fara inn við sjálvsáliti. Vit hava fingið eitt stig. Vit eru ikki líka nervøsar, sum vit vóru til tann fyrsta dystin, tí nú kenna við umstøðurnar og er meir í løtuni, enn vit vóru í fyrstani, sigur Súna Krossteig Hansen.

 - So vit fara inn til ein dyst við stórum smíli, vit fara inn fyri at spæla góðan hondbólti, hava tað skeg og njóta hvørja løtu. Vit fara ongantíð inn fyri at tapa, men Danmark er sterkasta liðið í okkara bólki, so tað verður ein strævin dystur, tí tær eru góðar. Tað er eitt topplið vit møta, spælarar í heimsflokki, men vit kunnu arga.

Dysturin í morgin er klokkan 17:00. Kringvarpið byrjar at senda í sjónvarpinum klokkan 16:15.

 
Er kopiera
Nýggjastu sendingar í ÚV
Hósdag 3. apríl
Brot úr Føroya søgu
190189
Hósdag 3. apríl
Góðan morgun Føroyar
190188
Hósdag 3. apríl
Morgunlestur hósdagur 3.apríl 2025
189978
Mikudag 2. apríl
Eitt korter við klassiskum
190152
Mikudag 2. apríl
Morgunlestur mikudagur 2.apríl 2025
189977
Nýggjastu sendingar í SV
Hósdag 3. apríl
Dagur og vika - teknmálstulkað
190180
Týsdag 1. apríl
Veðrið
190120
Týsdag 1. apríl
Heðin Brú 2:2 - teknmálstulkað
190126
Týsdag 1. apríl
DOK01430 - teknmálstulkað
190125
Sunnudag 30. mars
Andakt
190022