Streetfood í Bacalao

“Streetfood” – ella “gøtumatur” á føroyskum – kenna vit fyri tað mesta úr útlondum, men Súni Christiansen, stigtakari, ætlar at tað skal vera møguligt at keypa "gøtumat" í ovastu hædd í Bacalao um eitt ár.

Sjálvur hjallurin er 650 fermetrar til støddar, og ætlanin er at hava tíggju ymiskar matbásar við hvør sínum køki, sum skulu kunnað húsast í hjallinum.

Eisini er ætlanin, at har skal vera eitt skeinkistað, ein mentanarpallur og ein uppvaskibásur, tí har skal vanligur borðbúnaður brúkast.

Tó ásannar Súni Christiansen, at nógv skal gerast, áðrenn “gøtumatur” verður at fáa í Bacalao, tí hjallurin hevur staðið tómur síðstu mongu árini.