Mildrid á Lógv: "Eg havi verið í ongamannalandi"

Í átta mánaðir hevur Mildrid á Lógv verið í bíðistøðu, tí hon valdi at kæra uppsøgnina frá Almannaverkinum, sum í summar loysti hana úr starvi sum leiðara á Skálagarði. Ein uppsøgn, sum nú er ógildað.

Fyri sálarheilsuna, so hevur hetta verið ótrúliga ringt, fortelur Mildrid á Lógv. Hon skal á fund við Almannaverkið í morgin - og vónar, at hon skjótt skal aftur til arbeiðis. 

Edvard Heen, stjóri í Almannaverkinum, váttar at partanir skulu hittast í morgin. Hann sigur, at Almannaverkið ongar viðmerkingar hevur til málið, fyrr enn hesin fundurin hevur verið.