Klaksvík vertur á fyrsta sinni

Estetisku íðkararnir hjá Klaksvíkar Fimleikafelag royndu seg á heimagólvi fyri fyrstu ferð, tá steypakapping var um vikuskiftið.

Tað eru umleið fýra ár síðan, at KF fór undir estetiskan fimleik av álvara, og nú var tíð upp á at felagið bjóðaði seg fram sum vert.

 - Vit eru heilt ótrúliga væl nøgd. Hetta er ræðuliga stórt, og her hava verið ekstremt nógv fólk, segði Joan Finnsdóttir Joensen úr KF.

Fríða Sundsskarð hevur gjørt estetiskan fimleik í Klaksvík øll fýra árini, og er nú komin upp í gentualdursbólkin saman við liðfeløgunum í Vita.

 - Tað er ræðuliga stuttligt at sleppa at kappast heima. Tað verður meir avslappandi, og mann fer heim til venjarar. Ja, mega stuttligt, segði hon.