NATO-aðalskrivarin eigur at muta ímóti hertøku av Grønlandi

Á tíðindafundi í Hvítu Húsunum í gjár, segði Donald Trump, amerikanskur forseti, at tað er eitt gott hugskot at hertaka Grønland.

Trump vildi heldur ikki úthýsa møguleikan fyri, at tað hendir.

Hetta hendi alt, meðan NATO-aðalskrivarin, Mark Rutte, sum var á vitjan, sat undir liðini á Trump. 

Donald Trump, Mark Rutte

Mynd: Ritzau/Scanpix

Píniligt

Í dag eru danskir politikarar í øðini inn á Mark Rutte, at hann ikki segði Trump ímóti. 

Inger Støjberg, forkvinna í Danmarksdemokratunum, heldur, at tað er ótrúliga veikt av NATO-aðalskrivaranum. 

"Vit eru partur av NATO, og mann væntar, at NATO-aðalskrivarin í einari sovorðnar støðu sigur Trump ímóti," sigur hon við DR.dk. 

Karsten Hønge, framsøgufólk í málum um Grønland hjá SF, ristir á høvdinum. 

"Tað var píniligt. Tað er ikki haldbart, at NATO-aðalskrivarin situr við hendrunum í føvninginumm, hyggur niður og nærmast líkist einari umbering fyri seg sjálvan, tá tosað verður um at leypa á eitt annað NATO-land."

Lars Løkke Rasmussen

Danski uttanríkismálaráðharrin, Lars Løkke Rasmussen (Mynd: Ritzau/Scanpix)

NATO er í parti við Danmark

Martin Lidegaard, politiskur leiðari í Radikale Venstre, er meira diplomatiskur. 

"Eg skilji væl, at ovasti leiðarin hjá NATO ikki ynskir ein almennan orðadrátt við amerikanska forsetan um málið."

Danski uttanríkismálaráðharrin, Lars Løkke Rasmussen frá Moderatunum, ivast ikki, at NATO er í parti við Darnmark. 

"Mann kann ikki hertaka eitt sameint land, ella nøkur okkur lond. Tað er í stríð við mannarættin. Tað er púra greitt."