MFS fegnast - fleiri ung velja tó útlandið

Tey, sum lesa í Føroyum, skulu fáa á leið sama stuðul sum í Danmark.

Tað sigur løgmaður er málið hjá samgonguni.

Tað vil siga at um tað verður veruleiki hækkar stuðulin við umleið 1100 krónum, frá umleið 5.100 krónur um mánaðin upp í umleið 6.200 krónur um mánaðin.

Men sjálvt um lestrarstuðulin verður hægri, eru framvegis fleiri ung, sum heldur ætla sær uttanlands at lesa.

Hægri lestrarstuðul ger stóran mun

MFS heldur, at hægri lestrarstuðul ger sera stóran mun fyri tey lesandi í Føroyum.

Tað sigur Sigmund V. P. Zachariassen, ráðslimur í Megingelag føroyskra studenta.

Hægri lestrarstuðul er týðandi, men tað eru framvegis fleiri ung, ið velja útlandið fram um Føroyar.

MFS sigur, at tað eru stórir batar til tey lesandi í Føroyum, nú bæði lestrarstuðulin væntandi hækkar, fleiri lestraríbúðir koma, og at farið verður í gongd við Kampus.