Borgarstjórar standa spyrjandi

Tá tað gjørdist greitt, at Føroyar skuldu hýsa Oyggjaleikunum í 2027, so servaði Flogbóltssambandið eitt tilboð til fýra kommunur, um at hýsa bæði innandura flogbólti og sandflogbólti.

Fuglafjarðar kommuna og Vága kommuna móttóku servuna, umhugsaðu tilboðið og smassjaðu eina avgerð á borðið hjá Flogbóltssambandinum, at tær vildu vera við í samlaða pakkanum.

Men í farnu viku valdi Oyggjaleikanevndin at blokkera hesi ætlan, og tí standa bæði Vága-, Fuglafjarðar kommuna og Flogbóltssambandið spyrjandi.

Kommununar hava longu gjørt íløgur upp á lyftið at hýsa bæði innandura flogbólti og sandflogbólti, men nú hongur alt í leysum lofti.

Kommununar og Flogbóltssambandið undrast eisini yvir, hvussu Oyggjaleikanevndin hevur samskift í hesum málinum.