Møguliga stormur nýggjársaftan

Tá vit nærkast midnátt í annaðkvøld, gamlaárskvøld, fer vindurin at liggja millum 18 og 25 m/sek av útnyrðingi. Stormstyrki er 24 m/sek. Sambært Veðurstovu Føroya veldst vindstyrkin um, hvørja forsøgn vit velja at hyggja eftir. 

Tað verður eisini affall í annaðkvøld, men møguliga slítur í á midnátt, sigur Knud Simonsen, veðurfrøðingur á Veðurstovu Føroya. 

Nýggjárs­bálini fylla nógv nýggjársaftan, og tað eru sløkkiliðini kring landið, sum skulu loyva teimum. Men ringa veðrið í morgin setur sínar avmarkingar fyri nýggjársbálum, sigur Heini Østerø, leiðari hjá Tórshavnar Sløkkiliðið.  

Hvalbingar eru nøkur av teimum, sum hava valt at framskunda nýggjarshaldið í bygdini, orsaka av ringa veðrinum.