Heimasíðan skal finna bestu tilboðini

18 ára gamli Aron Petersen vil gera tað lættari at finna bestu matvørutilboðini.

Hann hevur ment heimasíðuna Kurv.fo, sum savnar øll tilboðini hjá matvøruhandlunum á einum stað.

Hann gongur á øðrum ári á búskaparbreytini á Glasi, men tað eru ikki bara skúlatingini, sum eru í tonkunum.

Fyri góðum tveimum mánaðum síðan fór hann undir nýggju heimasíðuna, tí hann vil gera tað lættari at fáa yvirlit yvir tilboðsvørurnar í matvøruhandlunum.

- Endamálið er, at fólk skulu spara tíð og pengar, sigur Aron Petersen.

Tað bendir á, at heimasíðuni er lív lagað, tí í gjár høvdu fleiri enn 2.000 vitjað nýggju síðuna.