Heimasíðan tidarrit.fo verður niðurløgd

Í dag kunnu øll síggja og lesa gomul føroysk tíðindabløð, tíðarrit og líknandi á heimasíðuni tíðarrit.fo. Men í seinastu viku boðaði Landsbókasavnið frá, at skipanin ikki verður tøk í framtíðini.

Tíðarrit.fo brúkar eina skipan frá fyritøkuni infomedia. Men eftir eina samanlegging hevur veitarin boðað frá, at skipanin ikki verður tøk, tá hesin mánaðurin er liðugur.

Inn á Landsbókasavnið at lesa
Fyrr máttu fólk inn á Landsbókasavnið at hyggja eftir mikrofilmum, um tey vildu síggja gomlu bløðini. Nú, tá heimasíðan tíðarrit.fo ikki longur verður tøk, mugu fólk aftur inn á Landsbókasavnið í Havn fyri at síggja gomlu bløðini.

Landsbókasavnið hevur kannað møguligar aðrar pallar, sum kunnu hýsa føroysku bløðunum.

Sí innslag úr Degi og viku.