Havnin vil vera grøn undangongukommuna

Tórshavnar kommuna hevur samtykt ein nýggjan umhvørvispolitikk fyri árini 2026 til 2032. Málið er, at kommunan skal verða millum fremstu kommunur í Norðurlondum á umhvørvisøkinum.

Politikkurin fevnir um náttúru og lívmargfeldi, útlát og orku umframt burturkast.

Ein partur av arbeiðinum er at fáa fleiri borgarar at skilja burturkast í nærumvhørvinum. Í Krossgøtu í Havn hevur ein ruskskiljistøð nú verið í nýtslu í eina tíð, har fólk kunnu skilja millum annað papp, glas, metal og plast. Tað vóru íbúgvar í grannalagnum, sum sjálvir tóku stig til verkætlanina, meðan kommunan stuðlaði við 150.000 krónum.

Átta ruskskiljistøðir eru nú settar upp í kommununi, og sambært kommununi eru fleiri líknandi støðir á veg komandi árini.

Tórshavnar kommuna hevur eisini sett sær sum mál, at nøgdin av burturkasti til brenningar skal minka 20 prosent fyri 2030 samanborið við 2024.