Prestur granskar umstrídda Paulus

Jóannes Purkhús verjir í komandi viku doktararitgerð sína í guðfrøði.

Hann hevur granskað Paulus, sum fyri nøkur er ein heldur umstríddur persónur.

- Nøkur elska hann og nøkur halda hann vera køvisligan, serliga við støði í tí, hann sigur um kvinnur, sigur komandi doktarin.

Sipað verur til, at Paulus í fyrstu Korint sigur, at kvinnur skulu tiga, og tað eru tað fleiri, sum ikki dáma hann fyri.

Í síni gransking hevur Jóannes Purkús valt at leggja dent á, hvussu Paulus brúkar myndamál úr trælahaldinum, sum var vanligt tá í tíðini. 

Og júst tað vísir seg, sambært Jóannesi Purkhús, at spæla ein stóran leiklut í brøvum Paulusar, tá hann á fleiri hættir lýsir seg sum træl Jesusar.