Vandu álvarsliga flogvanlukku

Eitt flogfar við 150 fólkum var farið út av flogbreytini. Tað var ímyndaða støðan, sum tilbúgvingin á flogvøllinum skuldi handfara undir stórvenjingini í dag.

Endamálið var millum annað at royna, hvussu tilbúgvingareindirnar arbeiða saman, tá ein størri vanlukka hendir.

Løgregla, sjúkraflutningur og aðrir partar av tilbúgvingini vóru við, og arbeitt varð millum annað við at fáa yvirlit yvir støðuna og hjálpa teimum, sum í venjingini vóru komin til skaða.

Venjingin skal nú eftirmetast, so greiða kann fáast á, hvat riggaði væl, og hvat kann gerast betur, um ein álvarslig vanlukka skuldi hent í veruleikanum.