Talgild undirskrift: Taks ger fyribilsskipan

10.10.2013 - 11:05

Innlendis›Samfelag

Talgilda undirskriftarskipanin skuldi koma í 2007, men einki er hent. Nú hevur Taks mist tolið

Lív Mikkelsen

Johnsigurd Johannesen

Aktivera javascript

Eyðun Mørkøre, stjóri í Taks, hevur mist tolið við myndugleikunum um talgildu undirskriftina, sum skuldi koma í 2007

Taks ger nú sítt egna logg-inn, tí stovnurin kann ikki bíða eftir talgildu undiskriftini, sum landsstýrið hevur arbeitt við í áravís.

Talgilda undirskriftarskipanin var partur av Visjón2015, sum var løgd fram í juni 2006. Tá varð tíðarfreistin sett til at vera í 2007. Men enn er ongin undirskrift komin, og nú hevur Taks mist tolið.

Johan Dahl, landsstýrismaður í vinnumálum, heldur, at besta loysnin er ein felags talgild undirskrift, og hann væntar og vónar, at skipanin verður klár í 2015.