Tryggingarfelagið endurskoðar íløgurnar

Bakkafrost er ein góð íløga.

Men TF-Íløgur endurskoða alla tíðina sínar íløgur, og nú vóru vit komin til Bakkafrost, sigur Súni Schwartz Jacobsen, nevndarformaður í TF-Íløgum.

TF-Íløgur hjá TF-Holding hjá Tryggingarfelagnum Føroyum seldu í gjár ein fjórðing av sínum partabrøvum í Bakkafrosti fyri 69,9 mió. norskar krónur, slakar 63 milliónir danskar.

Súni Schwartz Jacobsen vil ikki siga, hvat hesar milliónirnar nú verða brúktar til. TF-Íløgur seldu 600.000 partabrøv fyri kursin 116,50 norskar krónur.

Eftir søluna í gjár eiga TF-Íløgur knappliga 3,8 prosent í Bakkafrosti.