Gentan úr Fugloy gjørdist bóndakona í Svínoy

Maria Joensen er uppvaksin á Kirkju í Fugloynni. Hon ferðast hvønn dag, úr Svínoy til Fugloyar, har hon ger ymiskt fyrifallandi arbeiði fyri kommununa.

Hon er eisini bóndakona í Svínoy.

Útsýni av Kirkju yvir á Svínoynna 

- Vit høvdu leingi lúrt eftir hvørjum øðrum, men hann var so smæðin, sigur Maria brosandi.

Men í einum bygdaballi í Svínoy, fyri fáum árum síðani, bar betur til.

- Mamma var kokkur, og eg og vinkonan skuldu hjálpa henni. Og tað bar so til, at eg fekk stórabeiggjan og hon fekk lítlabeiggja, fortelur Maria flennandi.

Og summar blivu tey gift og hava búsett seg í Svínoy.

Lurta eftir samrøðuni við Mariu

Tær báðar vinkonurnar rigga til at fara ein biltúr til Hattarvíkar