Avbjóðingin verður at samansjóða skúlan

Tórshavnar kommunuskúli og Venjingarskúlin verða lagdir saman í ein skúla - Vesturskúlan - og tí varð neyðugt at finna skúlastjóra til nýggja samanlagda skúlan í Havn.

Og nú er avgjørt, at Hanus Joensen, sum hevur verið stjóri fyri Tórshavnar kommunuskúla, skal verða stjóri fyri nýggja Vesturskúlan.

Mentamálaráðið er setanarmyndugleiki, men av tí at ráðið var ógegnigt, var málið flutt í Fíggjarmálaráðið, sum í gjár setti Hanus Joensen í starvið.

Hanus Joensen sigur, at størsta avbjóðingin verður at samansjóða lærarar, næmingar og foreldur í nýggja skúlanum og at samstarva við myndugleikarnar.

Hoyr samrøðu, sum Sigrún H. Brend gjørdi við Hanus Joensen í útvarpstíðindunum.