Javni handað Ársins Herðaklapp

Inklusion og menning eru lyklaorðini hjá ráðgevingartoyminum hjá Barna- og Ungdómsdeildini í Tórshavnar Kommunu, sum í morgun fekk handa herðaklappið 2014. Tað er Javni, sum letur herðaklappið.

Herðaklappið verður latið persónum ella felagsskapum, sum á onkran hátt hava lagt merkisvert arbeiði eftir seg fólki við menningartarni at frama.

Ráðgevingartoymi arbeiður við børnum, sum eru tarnað í menningini. Uppgávan hjá teimum er at ráðgeva dagstovnunum í, hvussu tey kunnu menna børnini á besta hátt og tillaga seg barnið, so barnið kann vera á stovninum saman við børnum, sum ikki er menningartarvnað.

Vit prátaðu við Magnu Jógvansdóttir og Birgit Debess úr ráðgevingartoyminum í Posthúskjallaranum í morgun.