Battarí kann hava fest eld í

Hoyr samrøðu við Michael Gram, brandtekinkara hjá løgregluni, sum greiðir frá, hvussu battaríið kann hava samband við eldin.

Her kanst tú síggja Dag og viku-innslagið frá november í fjør, tá Michael Gram greiðir frá um vandan við battaríum. 

Eldur á Íslandsvegnum

Náttina eftir var eldur í einum íbúðarhúsum við Íslandsvegin í Havn. Har eru kanningar eisini gjørdar, og har er eisini staðfest, at skammlop ikki er orsøkin. Hinvegin kann kann ikki útilokast, at stearinljós ella sigarett hevur fest í.

Loftið í íbúðini, har eldur kom í, er av sonevndu bleytu plátunum, sum geva eitrandi royk frá sær, tá tær brenna. Tí hevði tað sera stóran týdning, at eldurin var fráboðaður so skjótt, sigur Hildur Hentze, varaleiðari á kriminaldeildini. 

Høvdu ikki flutt bústað

Fimm íbúðir eru í húsinum, og løgreglan hevði trupult við at staðfesta, hvør búði í húsinum. Sambært Landsfólkayvirlitinum, sum var dúgliga brúkt hetta kvøldið, búðu níggju fólk í húsinum hetta kvøldið, tá eldur kom í.

Løgreglan setti seg í samband við øll, fyri at vakja tey og boða frá eldinum. Men tað vísti seg, at fleiri teirra langt síðani vóru flutt.

Sostatt brúkti løgreglan virðismikla og óneyðuga tíð til at ringja, sigur Hildur Hentze. Og heldur ikki postkassin, sum hoyrdi til íbúðarhúsini var dagførdur, og tí stóðu persónar at búgva har, sum vóru ikki búðu har longur. Tí var trupult at vita, hvør búði har, og síðani at fáa greiðu á, um tey vóru stødd á bústaðnum.