Heilivágur fyri bløðrubruna gagnleysur

Orsøkin, til at heilivágurin ofta er óvirkin, er, at bakteriurnar eru blivnar mótstøðuførar ímóti heiliváginum.

Tað sigur granskarin, Marita Debess Magnussen, sum er medisinskur mikrobiologur og Ph.D-lesandi. Hon hevur kannað mótstøðuførið hjá bakterium í Føroyum.

Sulfa er ein tann mest brúkti heilivágurin fyri bløðrubruna. Men 40 prosent av kvinnunum, sum fáa Sulfa, noyðast aftur til læknan, tí heilivágurin virkar ikki, sigur Marita Debess Magnussen.

Hon heldur, myndugleikarnir í Føroyum áttu at sett í verk ein antibiotika politikk, soleiðis at tað var eitt skipað eftirlit við antibiotika mótstøðuføri hjá bakterium.

(Heilivágurin á myndini er ikki umrøddi heilivágurin)